 |
| صورة سكرين شوت لتعديلات الفيسبوك الجديدة |
امبارح موقع التواصل الاجتماعي الشهير فيسبوك أعلن رسميا إدخال تحديثات جديدة تتيح للمستخدمين المزيد من التحكم في البوستات التي تظهر أمامهم أثناء تصفحهم الفيسبوك
News Feed
اللي كان بيحصل إن الفيسبوك بيستخدم مجموعة معقدة من المعطيات عشان الفيسبوك يقرر في الآخر ايه البوستات اللي انت ح تشوفها لما تفتح الأكاونت بتاعك على الفيسبوك، معطيات كتيرة جدا زي هل انت تفاعلت مع الصفحة دي قبل كده، هل عدد كبير من أصدقاءك عملوا شير للصورة دي، إلى آخره.
المشكلة اللي كانت بتحصل هي إن مستخدم الفيسبوك ممكن يكون متابع صفحة معينة أو مهتم بأخبار صديق على فيسبوك لكن بسبب algorithms النيوزفيد ممكن جدا بوستات الصفحة دي أو الصديق ده متظهرش عندك لأسباب كتيرة (إلا طبعا لو فتحت الصفحة أو الأكاونت نفسه ح تشوف كل البوستات أكيد).
الحل المتاح من الفيسبوك كان هو خاصية Get Notification اللي الناس ممكن تستخدمها مع الأشخاص أو الصفحات عشان تشوف
Notification
مع كل مرة الشخص أو الصفحة دي تنشر بوست (صورة أو كلام أو فيديو أو شير).
المشكلة دي زي ما هو واضح كانت في إنك تتابع اللي انت مهتم بيه، لأن موقع التواصل الاجتماعي فيسبوك من زمان عمل خاصية اسمها Unfollow ودي ممكن أي حد يعملها مع الأصدقاء أو مع أي صفحة، بحيث إنه يخفي ظهور بوستاتهم وفي نفس الوقت عدم إزالة إعجاب الصفحة Unlike أو (في حالة البروفايل الشخصي) عدم حذف صداقتهم الفيسبوكية (مثلا لو زملكاوي زي حالاتي بس مأفور شوية مع بطولة الدوري :))
طبعا اللي كان بيحصل - وده عن تجربة- إن مستخدم الفيسبوك لو متابع خمس أو ست صفحات مهمة بالنسبة له فكل مرة أدخل الفيسبوك ألاقي إشعارات
Notifications
كتيرة جدا ده غير اللي بتظهر لي لو حد عمل كومنت على بوست عندي أو منشن في بوست عنده أو لايك وهكذا.
يبدو أن مارك ابن زوكربيرغ وصل لطريقة ظريفة جدا في الموضوع ده بحيث مستخدمي الفيسبوك يشوفوا المحتوى اللي هم مهتمين بيه في النيوزفيد من غير لا لف ولا دوران، يعني من غير نوتيفيكشنز و تعقيدات، والطريقة الظريفة دي هي اللي الفيسبوك رسميا أعلنها امبارح.
ببساطة شديدة، أصبح الآن متاحا لأي مستخدم فيسبوك إنه يختار مجموعة أصدقاء أو صفحات (أو خليط منهما) لمنح بوستاتهم أولوية الظهور في
News Feed
وبالتالي يضمن مستخدم الفيسبوك (مدحت مثلا) أنّ مفيش بوست ح يفوته من صفحة ناديه الرياضي المفضّل لما يفتح الفيسبوك بعد غياب، وتضمن مستخدمة الفيسبوك (يسرا مثلا) أنّ مفيش بوست من خبيرة التجميل المفضلة اللي متابعاها ح يفوت عليها لما تفتح الفيسبوك وسط زحمة أخبار.
مستنيين ايه؟ ادخلوا حالا على موقع التواصل الاجتماعي فيسبوك و عدّلوا
News Feed Preferences :)
ومتنسوش تعملوا لايك لصفحتنا الرسمية على فيسبوك:
ومتنسوش تعملوا لايك لصفحتنا الرسمية على فيسبوك:
No comments:
Post a Comment